ثار الشعب العربي بتونس
إهتزت جُدران القصر
شغيلة وطلاب وحُرة،
هزموا الظالم ، جابوا النصر
ثار الشعب العربي بتونس
شردوا كل السرّسرية
في واحد جهز شنطاتو
ناوي يهرب ع السعودية
إسموا الاول: حاكم مصر.
ثار الشعب العربي بتونس
ارتعدوا هالكرخنجية
في حاكم خايف على كرشو
والرّيس خايف على عرشو
من صرخة عفية ل" بهية"
تطلع من جوا التنور، وتملا الوطن العربي نور
ثار الشعب العربي بتونس
نزلت اسعار البنزين، بقدرة قادر
وفي عمان وفي الجزائر، في بيروت وفي القناطر
بطلوا يغلوا الصرامي والسجاير
ثار الشعب العربي بتونس
انهبل العقيد الثائر
واحد اسمو ......، وحاكم شعبو بالمساخر
واكف ماشي، صاحي غافي.
مرة رجعي مرة ثائر
مرة مسطول ومش شاعر
مرة شارد مرة حاضر
بتحسر على خيو " الزين "
مع انو ما عزم الزين!
ثار الشعب العربي بتونس
فرحت غزة ، قالت " بُشرى "
شرد الخاين ابن القحبة.
ردت حيفا : تجيبوا الجرّة ، رح نكسر وراهم جرة
قالت يافا: عشرين جرة،
رح نهتف مع حلب وصيدا :
ونرقص على موال الثورة : تونس حرة ، تونس حرة .
التعليقات