ظهرت دعاء صلاح، مذيعة قناة 'النهار' المصرية، على الهواء مباشرة أثناء تقديمها لبرنامجها 'دودي شو'، ووجهها مغطى بالدماء وآثار كدمات الضرب.
وأوضحت صلاح أن تلك الكدمات هي مكياج، وأنها قررت الظهور بهذا الشكل للفت الانتباه لقضية العنف المنزلي ولمعاناة المرأة المعنفة في المجتمع العربي، حيث أن 'المصريات اعتدن الضرب من آبائهن وأزواجهن'.
وقالت صلاح: 'كم واحدة فينا قعدت في بيتها علشان ماحدش يشوفها بالمنظر ده؟ ولا راحت الجامعة أو المدرسة أو الشغل، كم واحدة اتربت على العنف الأسري والضرب من الأب والأخ، وساعات للأسف من الوالدة؟ وكام واحدة بعد الزواج وبعد حلم بيت المستقبل لقت نوع من العنف؟ وهو العنف الجسدي اللي الراجل بيمارسه على زوجته'.
وأضافت: 'اللي يضرب مراته ده عنده عقدة سي السيد اللي عند كل رجالتنا، وده نوع من النقص، نقص في الرجولة'، وأضافت: 'فيه سيدة من بين كل 7 سيدات عربيات تتعرض للعنف الجسدي'.
اقرأ أيضًا| 'طلع البدر علينا' في استقبال اللاجئين السوريين بكندا
وتساءلت صلاح: 'كام مرة ضربت مراتك عشان تطلع عقدة سي السيد عليها، كام راجل عنده عقدة نقص وبيعوضها في مراته؟'.
وتابعت:'37 في المئة من نساء العالم تعرضن للاعتداءات الجنسية خلال حياتهن، و700 مليون طفلة تزوجت دون سن الـ 15'.
التعليقات