انتشر على مواقع التواصل الاجتماعي، أمس السبت، مقطع فيديو يظهر فيه الإعلامي المصري، عمرو أديب، ينعى الرئيس المصري المخلوع، حسني مبارك، مؤكدا أنه سيتم الإعلان عن وفاته خلال ساعات قليلة.
إلا أن الحقيقة تختلف تماما عما يتم تداولته بعض وسائل الإعلام وشبكات التواصل، حيث يعود مقطع الفيديو الذي يظهر فيه أديب يتحدث بكل ثقة عن وفاة مبارك المؤكدة، يعود تاريخه إلى قبل أكثر من ثلاث سنوات.
وما بين السخرية والشماتة، تناقل النشطاء المصريون على موقع 'تويتر' للتدوين المصغر، خبر وفاة الرئيس المخلوع الكاذب موسوما بهاشتاج #مبارك_مات.
وقال أحمد الحداد في 'تغريدة' على الموقع: '#مبارك_مات.. لاء مش من الضحك
من كتر حزنه على نفسه كل شوي يموت ويزعل على نفسه وفي الآخر يكتشف إنه لسه عايش'.
و'غرد' محمد عبد العال: '#مبارك_مات
مش هصدق غير لما يقول كده بنفسه
وبعدين ده بقاله سنتين تلاته مبيمتش'.
وقال آخر: ' قبل كده كان لما مبارك بيتزنق يطلعوا إشاعة إنه مات
الجديد بقى، أما السيسي بيتزنق بردو يطلعوا إشاعة إن #مبارك_مات
مفيش ابداع'.
وقال أيضًا: 'آه والله دا حتى بقاله فتره كده متغير كده ومبيموتش كتير زي الأول بس الحمد لله اطمنا عليه، أهو رجع يموت تاني #مبارك_مات'.
وقال إبراهيم سلامة: '#مبارك_مات
مبارك يوما ما سيموت
لكن الاستبداد لا يموت
والديكتاتورية لا تموت
ومصادرة الحق في الحياة الكريمة والحرية والديموقراطية لا يموت!'.
و'غرد' أحمد نجاة قائلا: 'هو في مبارك بيموت يا باشا؟'.
أما خالد سويدة فكتب: '#مبارك_مات. انتوا فاكرين لما مبارك الحقيقي يموت مافيش مبارك تاني هايورثه.. مبارك موجود ومعشش بفساده وظلمه واطعمته المسرطنة جوه مصر'.
وقال أحمد سلامة: '#مبارك_مات.. كده الواحد اتطمن عليه أصل بقاله سنتين ما ماتش ابن المره'.
وقال آخر: '#مبارك_مات.. لا أنا مش هصدق إلا لما يطلع هو يأكدلنا الخبر'.
وكتبت ديمة الخطيب في 'تغريدة': '#مبارك_مات. ده مبيموتش، فقد ترك لنا أبناء فساده ودولته العميقة يتوالدون جيلا بعد جيل'.
وقال آخر: '#مبارك_مات أكتر واحد مات في العالم مش فاكر الموته دي رقم كام.. #معجزة_ مبارك'.
وفي حساب يحمل اسم "جمال مبارك" على "تويتر"، نشرت تغريدة كتب فيها: "أرجو من وسائل الإعلام تحري الدقة بخصوص وفاة بابا، مش كل أما يبقوا فاضيين شوية يقولوا مبارك مات، بابا اما يموت هيعلن خبر وفاته بنفسه".
التعليقات