شن رئيس نادي الزمالك، المستشار مرتضى منصور، هجوما حادا على الإعلامي عمرو أديب، بعد أن قال الأخير أمس، الإثنين، في برنامجه 'القاهرة اليوم' على فضائية 'اليوم'، إن 'هناك بعض الشخصيات العامة المصرية تظهر في الإعلام مثل الكلاب الجربانة'.
وكشف أديب، أن عضو مجلس النواب، مرتضى منصور، يجمع التواقيع من أعضاء في مجلس النواب بهدف إيقاف برنامج 'القاهرة اليوم'، قبل يوم الإثنين المقبل، لاستضافته ميدو الذي أقيل من نادي الزمالك في وقت سابق.
وأضاف أديب خلال البرنامج، أن 'مرتضى عايز يوقف البرنامج بسرعة قبل يوم الإثنين عشان حلقة ميدو، مرتضى برضه كلم الإدارة وبيقولها هاجي أكسر الاستديو'. وتابع، ' تعالى كسر، تعالى راجل لراجل وريني هتكسره إزاي'.
وانتقد أديب رغبة منصور بأن يكون رئيسا للجنة حقوق الإنسان في المجلس، قائلا 'دا متهم بقتل المتظاهرين في 25 يناير، وليه دور في مذبحة الدفاع الجوي، إيده فيها دم'.
وأضاف، 'ما تتكلموا، ليه محدش عايز يتكلم، هو إحنا مش ورانا غير مرتضى منصور'.
وتابع، 'أنا مستعد لأي مواجهة حتى لو بالإيد، يا أنا يا مرتضى في مصر، مادام محدش بيلمك فأنا اللي هلمك'.
وفي مداخلة هاتفية أمس الأول، الأحد، مع برنامج 'انفراد'، وجه منصور كلامه لأديب قائلا، 'أنا مبخافش، لو السلطات السعودية ماجابيتش حق المصريين وطردتك من هذه القناة، نقدر نعلقك على باب القناة، أقسم بالله نقدر نعلقك على باب القناة'.
وقال منصور لفضائية 'العاصمة' خلال اتصال هاتفي، 'اللي اسمه عمرو أديب في برنامجه بيشتم المصريين.. بسأل سؤال واضح هل يجوز لقناة العاصمة أنها تسب الشعب السعودي'.
وأضاف، 'امبارح وهو بيتكلم عن مشكلة أمناء الشرطة قال إن في ناس في الشعب كلاب بتهوهو.. اللي بيقول كده هو اللي بيهوهو'.
اقرأ ايضًا| يا بلد فضيحتها بجلاجل.. الحرية لـ#أحمد_ناجي
التعليقات