وجّه نجل الفنان اللبناني الراحل ملحم بركات، ملحم ملحم بركات، أول من أمس، الأحد، في منشور له على موقع التواصل الاجتماعي فيسبوك، رسالة شديدة اللهجة لمواطنه، الملحّن نزار فرنسيس.
وجاء في الرسالة: "نزار فرنسيس أنا ما راح سامحك ع الّلي عم بتقوله، كنت قلّك عمّي وأستاذ بس هلأ انتَ ما بتستاهلون، لإنك انت مانّك رفيق بيّي، انت هلأ مبيّن إنك كنت مصلحجي، ابعد عن إمّي أحسنلك وما تدخلا بمشاكل ناس مريضة نفسيًا بشي اسمه مي حريري، نقطة ضعف بيّي".
وأضاف "فما تلعب دورين لأنه آخر شي نحنا عيلة ورح نرجع لبعض وانت برا، شايفينك كيف لازق بكل التلفزيونات عم تحكي باسم بيّي والعيلة، بس لما اكتشفت رندة إنه انتَ عندك وجهين وعندك مصلحتك، عم بتفش خلقك بأكثر شخص ممكن يرضيها لرندة تترضيها. انتبه ما تروّح مسيرتك الفنيّة تندفن مع بابا الله يرحمه. خلّيك رجّال واحكي الحق أو التزم الصمت للأبد".
وتابع "وانت خليك عَ جنب ركز عَ مستقبلك ومستقبل بنتك يلّلي عم بتحاول تشهرها باسم بيّي، يللي أنا مش موافق عليه. أنا ملحم ملحم بركات ما بقبل تستعمل اسم بيي من هلق، إلا ما تعتذر من امي صحافيًا، بكل احترام لأنه هي ما كانت إلا جدًّا محترمة معك. وانت بتعرف إنها أكثر إنسانة عانت من وقت ما مرض بيي تكون نفسه بالسما وبكيت دم، والله يسامحك لأنه ما تنسى بابا شايف كل شي، وللأسف قلمك ما طلع مثل نفسيتك".
وانتهى "أرجوك نزار فرنسيس خذ هذا الكلام بجديّة"، دون أن يوضح الأسباب التي حدت به لكتابة هذا المنشور.
اقرأ/ي أيضًا | في ذكرى أربعينه... إطلاق أغنية ملحم بركات "كرمال النسيان"
من جهته، اختار فرنسيس عدم الرد على منشور ملحم جونيور، مكتفيًا بالقول: "ملحم بركات ترك مساحة كبيرة وفارغة بالوسط الفني اللبناني وأتمنى أن يأتي أحد ليملأ هذا الفراغ، لأن ملحم بركات لا يتكرر ولا يعاد، لكن الأكيد أن ما قبله ليس كما بعده، ومع احترامي لكل الموجودين الذين نضع أملنا بهم وأصواتهم رائعة وأحترمهم واعمل معهم، لكن لن يأتي ملحم بركات آخر".
التعليقات