شاطر.. شاطر../ راسم عبيدات

شاطر.. شاطر../ راسم عبيدات

هذا مقطع من اغنية للمطربة نانسي عجرم، غنتها للأطفال وللبراءة، ورغم ملاحظاتي وانتقادي على الفن الذي تقدمه نانسي عجرم، هذا الفن في ظل التغول والتوحش العولمي، أصبح بلا مضامين ويعتمد على العري والدلع والغنج وغيرها، إلا أن نانسي عجرم، وكلمة حق لا يراد بها باطل، وفي المؤتمر الصحفي الذي عقدته على هامش مشاركتها في مهرجان جرش الفني، عبرت عن موقف عروبي أصيل رافض للتطبيع، عندما رفضت الرد على أسئلة الصحفية الإسرائيلية، وطلبت من الأمن إخراجها من القاعة، وموقف نانسي هذا لا يجرؤ عليه، الكثير من الزعامات العربية "بقدها وقديدها"، والتي تتهافت على التطبيع، تهافت الطحالب على العملة التالفة..

وبالعودة إلى مقطع شاطر.. شاطر من أغنية نانسي " شخبط شاخبيط "، والتي تدعو فيها نانسي الأطفال الى سماع واحترام كلام اهلهم وإحترام معلميهم والنجاح في دروسهم، من خلال ترديد مقطع شاطر ... شاطر .....، وهذا المقطع من الأغنية تم دبلجته وتداوله، عبر البريد الألكتروني، حيث تقوم بدور نانسي مع فارق التشبيه شكلاً ومضموناً "رايس" وزيرة الخارجية الأمريكية، ويقوم بدور الأطفال زعماء دول ما يسمى محور الإعتدال العربي..

هؤلاء الزعماء ومعهم كل العرب الذي ينفذون السياسات والتعليمات الأمريكية، ويخدمون مصالحها واهدافها وأجنداتها، يجري التعامل معهم وفق مقطع أغنية نانسي شاطر.. شاطر ... ، فعلى سبيل المثال، وهنا الأمثلة لا حصر لها، إللي بيسمع كلام عمتو " رايس" شو بنقولو؟؟ شاطر ... شاطر، وإللي بطيع وبنفذ تعليمات وأوامر بابا " بوش " شو بنقولو؟؟ شاطر ... شاطر.. واللي بشيد بديمقراطيته في أفغانستان والعراق ولبنان، شو بنقولو؟؟ شاطر ... شاطر..

واللي بدعم وبأيد إحتلال أفغانستان والعراق وفلسطين، شو بنقولو؟؟ شاطر ... شاطر، واللي بنظر ليل نهار للشرق الأوسط الجديد والكبير، شو بنقولو؟؟ شاطر ... شاطر ... واللي بيقول إسرائيل دولة محبة وسلام وديمقراطية ورفاهية، شو بنقولو؟؟ شاطر ... شاطر ... واللي بساهم وبدعم وبأيد التطبيع مع إسرائيل شو بنقولو؟؟ شاطر ...... شاطر ...

واللي بتنازل عن حق العودة وبدعم توطين اللاجئين الفلسطينين، شو بنقولو؟؟ شاطر... شاطر .. ، واللي بينهب وبيسرق وببيع شعبه، شو بنقولو؟؟ شاطر ... شاطر ... واللي بيقول عن "بلير" أنه رجل سلام وشجاع، شو بنقولو؟؟ شاطر .... شاطر ...

واللي بعدل وبلغي مناهجة وحتى قرآنه من أجل " السلام " شو بنقولو؟؟ شاطر ... شاطر ..


واللي بنادي بالثورة والمقاومة، شو بنقولو؟؟ " إرهابي " وشاطب .. شاطب وعمرك ما حتبقى شاطر، واللي بنادي بمحاربة ومقاومة أمريكيا وإسرائيل، شو بنقولو؟؟ أحلامك وردية وشيطانية وعمرك ما حتبقى شاطر، واللي بسمع كلام سماحة الشيخ حسن نصرالله واللي مثلوه شو بنقولو؟؟ شاطب ... شاطب وداعم ومؤيد " للإرهاب " وعمرك ما حتبقى شاطر..

واللي بدعو الشعب الفلسطيني للصمود والمقاومة وعدم التنازل عن حقوقة، شو بنقولو؟؟ مزايد ومغامرومش واقعي وعمرك ما حتبقى شاطر، واللي بنادي بالوحدة والقومية العربية، شو بنقولو؟؟ شاطب ... شاطب، واللي بدعو للحوار الداخلي الفلسطين، قبل الحوار مع إسرائيل، شو بنقولو؟؟ شاطب .. شاطب، واللي بدعو فتح وحماس للحوار ونبذ الإقتتال، وقف المزايدات والمهاترات، شو بنقولو؟؟ شاطب ... شاطب..

واللي بدعو لوقف التطبيع وسحب السفراء الإسرائيليين، شو بنقولو؟؟ شاطب ... شاطب، واللي بدعو لإستخدام النفط في المعركة، شو بنقولو؟؟ النفط للتنمية ومش للعقوبات، وإنت شاطب... شاطب، وإللي بدعو لتغير حكومة السنيورة في لبنان، شو بنقولو؟؟ مش ديمقراطي وطائفي ومذهبي، وشاطب ... شاطب، وإللي بدعو لحكومة شراكة وطنية في لبنان، وحل الأزمة اللبنانية سلمياً وديمقراطياً، شو بنقولو؟؟ إلعب غيرها، وإنت واحد شاطب ... شاطب..

واللي بيقول إنه حزب الله حقق "نصر إستراتيجي وتاريخي" على إسرائيل، وهزم الجيش الذي لا يقهر، شو بنقولو؟؟ إنت دمرت لبنان وخربته، وإنت واحد شاطب...شاطب..

واللي بيقول إنه أمريكيا عدوة الشعوب، وبدها تنشر الفوضى الخلاقة في كل الوطن العربي، وبدها تستولي على ثروتنا وتعيق تطورنا وتنهب خيراتنا، شو بنقولو؟؟ إنت واحد شيوعي على قومجي على إخوانجي، وإنت واحد شاطب... شاطب..

واللي بدوه يحسب نفسه رحمة الشهيد صدام حسين، ويتحدى أمريكا، شو بنقولو؟؟ أمريكا ما بتتعاند وإحنا ما بدنا نحارب، ولازم نستجديها ونستعطفها ونحطها فوق رؤوسنا، وما بدنا مغامرين وشاطبين.. واللي ما بشارك من العرب في حصار وتجويع الشعب الفلسطيني، واللي ما بسمع كلمة أمريكا وإسرائيل،شو بنقولو؟؟ إنت مش من أمتنا، وما بدنا عرب يتربوا على المقاومة والتمرد والجميع لازم يكونوا خالعين ومأدبين قدام العزيزة "رايس " ومش رح نسمح لأي كان يتصرف تصرفات شاطبين..

واللي بدعو لنصرة الأقصى والفلسطينيين، شو بنقولو؟؟ بكفينا مزايدات وشعارات وما بدنا شاطبين، الفلسطينيين سبب مآسي وبلاوي أمتنا، ولازم نترك الإسرائيليين يؤدبوهم ويعلموهم كيف يبقوا ساكتين ومحترمين، واللي بدعو لمحاربة ومحاسبة الفساد والمفسدين، والقائمين على الفلتان الأمني من رأس الهرم وقيادات الأجهزة الأمنية الفلسطينية، شو بنقولو؟؟ دير بالك على حالك، والأجهزة وقياداتها عمرك ما جيب سيرتها ولا إنته بتعرف مصيرك، يا معلق في الزنازين، أو على شواهد القبور، لأنه إحنا وظيفتنا نجعل المواطن، يبقى محتار وما يعرف ليله من النهار..

واللي بده يجعلنا نعيش على الزيت والزعتر، شو بنقولو؟؟ إحنا تربينا على آلالاف والملايين، والشحدات من الغربيين، وما بدنا شعارات ولا مزايدين ولا شاطبين، واللي بيقول الدعم والمساعدات الغربية ،إلها أجندات وأهداف سياسية وإقتصادية، شو بنقولو؟؟ إنت غاوي فقر وشاطب، وناوي تخرب علاقاتنا بالأوروبيين..

واللي بحكي عن فساد ومزارع ما يسمى بالمنظمات غير الحكومية، ودورها في تخريب البلد والمناضلين، شو بنقولو؟؟ إنت واحد مزايد ومش عايش في القرن الواحد والعشرين، واللي بيقول السلطة ما بدها القدس، وبتلعب دور مكمل للإحتلال في تطفيش المقدسيين، شو بنقولو؟؟ إنت واحد مش مؤدب وما بتفهم لا في التكتيك ولا في الحلول النهائية، والقدس إحنا حطين إلها خطة، بعد ما تتهود وتتأسرل كيف نرجعها من الإسرائيليين.

وفي النهاية كله شاطر ... شاطر، فهلوية ودجل وسمسرة وفساد ومفسدين، وغير هيك كله شاطب .. شاطب مناضلين ومقاومين ومعارضين.

ملف خاص | الانتخابات المحلية 2018