لسعات.... زاوية ساخرة ناقدة

معا إلى الأبد
بعد ما طوينا خيام “روتشيلد” غيرنا طقية .. وطلعنا نتظاهر بحيفا تأييدا للنظام السوري الوطني والقومي. لا تسألونا قبل 6 شهور شو كان موقفنا من سوريا لأنكو هيك بتحرجونا..

الرجل رجل
بعد ما كشفلنا مسؤول فلسطيني مشكورا إنه بعد أيلول بيجي شهر تشرين الأول، يا ريت يشد حاله ويكشفلنا باقي أشهر السنة. بس بتعرفوا ذكرني بالقذافي اللي كشفلنا في كتابه الأبيض إنه الفرق بين الرجل والمرأة هو أنه الرجل رجل والمرأة مرأة.

مسؤول عربي
سياسي عربي محلي بغير مواقفه حسب الموقع.. بس التغيير هاي المرة كان دراماتيكي .. يعني وجبة مفرطة ممكن يروح فيها.

أيمن عودة
كان دمة خفيف لما همس في أذني إنه عدد فصل المقال اللي صدر بعد تصريحات بركة في عرابة، كان لازم ينكتب عليه “عدد خاص”..

أيمن عودة 2
قبل موعد بدء محاضرة في كفر مندا حول الخدمة المدنية بدقائق استدعتني إحدى الناشطات وأبلغتني أن سكرتير الجبهة أيمن عودة سيحضر المحاضرة. وهذه مناسبة كي أشكره على حضوره مع علمه المسبق بأنني “صاحب لسعات”، من يقود (مع آخرين) هذا النشاط، نثمّن زيارتك يا رفيق.

كفر مندا
في كفر مندا في “فورة” حراك وطني يقوده شباب وصبايا بعمر الورد، بس في أشخاص بحاولوا يكبحوا أو يشوهوا هذا الحراك، وبتستغربوا إنو في بيناتهن ناس محسوبة على الحركة الوطنية. إخص.

194
ستاتوس للزميل طارق بيرقدار على صفحته بالـ “فيسبوك”: “استحقاق” الدولة الـ 194 يتحقق مع تطبيق القرار 194، وليس على حسابه”.