"سيدى بوزيد" طالعة
بالصرخة م الوجدان
والآرض نار والعة
من ثورة الشبان
وف " تونس العاصمة "
بيكسروا الآصنام
وام الشهيد عينها
من الوجع م تنام
وف "سوسة" و"صفاقص"
نفس الجراح والهم
وف " قفصة " مزروعة
أحلام بلون الدم
وورود من "القصرين"
ولا خافت الجبروت
وشباب بيستشهد
وبيبتسم للموت
ورصاص بيقتلنا ....
لكن مقوينا
و"البوعزيزى" راح ...
لكنه عاش فينا
ياللى فساد سُلطتك
نارُه بتكوينا
أصبح مابينا الدم
يعنى الخلاص محتوم
ولا حد راح يقدر
ع الشعب لما يقوم
وانتو يا ورد الوطن
ياصرخة المظلوم
زى الحُسين دمكم
راح ينتصر حتماً
على سيوف ظلمهم.
* شاعرٌ وناشطٌ مصريّ
التعليقات