مثل اللّي نسيانة المشي | رنا خوري

أغنية "مثل اللّي نسيانة المشي" للفنّانة الفلسطينيّة رنا خوري، وهي من ألبومها الجديد لعام 2018 "وعود". الأغنية من كلمات رامي العاشق وألحان وعزف فرج سليمان، تصوير حبيب سمعان. يضمّ الألبوم 11 أغنية جديدة.


كلمات الأغنية:

متل اللي نسيانة المشي
عم دلّل الخطوِة..
وعم فتّش بعزّ التعب عن شي حلم واقف..
إتمسّك بإيدو..
إتعكّز وإسند على كتفو حنيني
تا العمر يمشي..
وتا هالعمر يمشي..
باقي بعد.. غفوِة..

متل اللي نسيانة المشي
والحبّ والضحكات..
متل اللي نسيانة الحكي 
ع شفاف غنّيّات..
عم بندَهك حسرة
وعم ضيع بالكلمات
لاني حِمِل مشوارك ولاني حِمِل بُعدكْ
متل اللي نسيانة المشي..
ومخدّرة روحا..
وصوتك عم يرش الملح والنار عَ جروحا

متل اللي نسيانة المشي
ومتذكرة الطرقات..
عم إبرم عليك وعلى شي نجم يهديني
لا بيسمعك هالقلب..
لا بتقشعك عيني..
وبعرف عم تمرّ الليالي خيوط ع جبيني
وصوبك عم تروح بيوت الناس والطرقات..
متل اللي نسيانة المشي.. والحب

تعليقات Facebook