- الشهيد جوليانو مير خميس -
أصدرت فرقة "الدام" صباح الرابع من نيسان 2012، والذي صادف مرور سنة على إغتيال جوليانو مير خميس في مخيم جنين، أغنية تحمل عنوان "أولاد جوليانو"، وهي أغنية تتطرق إلى معرفة "الدام" الشخصية مع جوليانو والتي بدأت في العام 2004 حين أخرج مير خميس فيديو كليب الفرقة بعنوان "هون انولدت".
وتدعو الأغنية إلى عدم نسيان الجريمة وتطالب بالعدالة الحقيقية في التحقيق ومعاقبة المجرمين. يرافق "الدام" في الأغنية مجموعة من طلاب جوليانو في مسرح الحرية- جنين.
يُشار إلى أن جوليانو مير خميس أغتيل في تاريخ 4.4.2011 أمام مسرح الحريّة الذي أسسه في مخيم جنين.
__________________________________________________________________________________
كلمات الأغنية:
مسرح الحرية: جول، أنا دايماً بتذكر لما كنت تحكيلي الفن ثورة، احنا من اليوم وطالع مش مقاومين بس، أحنا فنانين جول، مش راح انسى المقاومة اللي زرعتها فينا
Hook (Sampled from Into the Night by Benny Mardones)
If I could fly
I'd pick you up
I'd take you into the night
I'd pick you up
Like you never seen
مسرح الحرية: جول كان يحكي، انك توقف عال-ستييج وتحكي رأيك هاي كمان نوع من انواع المقاومة
سهيل نفار راب:
احنا وقفنا بوجه الحدود
وانت بكل بساطة تخطيتها
رسمت مسار بسهم لإتجاه واحد
فش ميله، فش بطء، في هدف واحد
متت بكل صفاتك يا صديقي
والقاتل ملتم خايف من وجهه الحقيقي
جول، مين فينا مجنون
مين فينا العاقل ومين شايف اكمل الصورة
لو فينا نقطة من الجنون هاد
كان الحرية مش اسم مسرح وبس
جول، جوليانو انطخ
بنفس اليوم اللي فيه مارتين لوثر كينج انطخ
كانلكم حلم، كانلنا امل
وفي ناس مع احباط، احباط وسلاح
مخرج، ممثل، خارج عن السيناريو
اهديتنا ولاد ارنا، خلي علينا ولاد جوليانو
Hook (Sampled from Into the Night by Benny Mardones)
If I could fly
I'd pick you up
I'd take you into the night
I'd pick you up
Like you never seen
مسرح الحرية: كان دايماً يحكي ما تهبطوش من أول رصاصة، أحنا ما هبطناش
من بعد 7 رصاصات بجسمك
تامرنفار
اللي بلتقي بالقاتل يحكي معاه، اذا جول
بالقائمة السوداء قولولو يكتب اسمي ورا
عمين اطلقتو النار آه؟ اطلقتوها على
زلمتنا، وحّد لدنا ، بلا أي أفكت
بالسينما ، أخرج غول من تلت ولدة
والبوليس بشهد، فا يا محتل أطغى مش حنطفى
عالزناد اضغط مش حنطفى
جول ترك الفولتات بالورثة ألنا أما أذا القاتل منا
عمين أطلقنا النار آه؟ أطلقناها على
مسرح، على مشهد على رقصة على رسمة هادي كفرة؟
انا بفتح بالكتب مش لاقي الصفحة
الدين بطرد العتمة الفن بآمن بالفكرة
فش لزوم تقلب العصا لأفعى تنآمن بالفكرة بكفى
تكره العبودية وأحنا بنتبع، جول لو ترجع
لأيام الدعوات بتحمي الأنبياء بجسمك
واللي اغتالوك بكونو حاملين المسامير والمطرق، االله يرحم
Hook (Sampled from Into the Night by Benny Mardones)
If I could fly
I'd pick you up
I'd take you into the night
I'd pick you up
Like you never seen
مسرح الحرية: الحرية هي حرية الفكر، حرية التعبير وأهم أشي حرية الخيار
محمود جريري
مش فاهم ؟! كيف الثقافة بتغتال ؟
هلقد بخوف الفن؟ جول جاوب عالسؤال
وعرفتك باللد قالولي بدك تصور كليب
فجأه في مظاهرة، أنا فهمت اشي جديد
اذا العين الورى العدسه فيها جرأه وزلمنه
اكيد قدام العدسه حتلاقي ثوره ومدرسه
الك ورده وحزن عميق، بس كل الطرق تؤدي
الى جنين، وهون عندي ببدا الحديث
تعلمي من المعلم ما تخافي من الملتم
اللي بدو يعتم الطريق، هو عالأغلب
حيلاقي تصفيق المجانين، وانتي عالمدى الأبعد
حتنوري تاريخ التحرير¸ وتاريخ التحرير
حايكون فيها المسلح الكاتب الممثل
تأكدي أنه حايكون فيها المسرح
أما القاتل والمدبر مشهدهم أسود
وجول مشهد ملون، مؤثر مشهد مكمل
Hook (Sampled from Into the Night by Benny Mardones)
If I could fly
I'd pick you up
I'd take you into the night
I'd pick you up
If I could fly
I'd pick you up
I'd take you into the night
I'd pick you up
Like you never seen
مسرح الحرية: وانت دايماً علمتنا انه في المقاومة اذا بنكونش مربوطين مع بعض
راح نكون معلقين بحد بعض
التعليقات