جمال عبد الناصر بريشة الفنان الفلسطيني اسماعيل شموط
اٍهداء الى زعيمى وأبى في ذكرى رحيله ....................... الله يرحمك
عبدالناصر كان غنيّوة بنغنيها
كان رمٍشنا ع العين يحميها
كان ضُليلة لما نكل ننام تحتيها
كُنت ياناصر زى مواسم م الآفراح
كُنت الآرض المرسومة ف عين الفلاح
كُنت ف يدّ الجندى سلاح
نظرة عينك كان بتحاوط ع الكل
كانت تعدٍل
كانت تمنع عنا الذل
كانت بتخضّر ف مداها منين م تطُل
كُنت حنيّن زى النيل
علشان كده هتلاقى هواك ف قلوب الكل
حتى شواشى النخل العالى
حتى الورد وحتى الفُل
حتى صعيد النيل والدلتا
حتى صخور السد العالى
حتى الرمل ف صحرة سينا
حتى الطمى ف قلب الوادى
حتى المصنع ده اللى اتباع من بعد غيابك
حتى الآرض اللى صادروها م الفلاح
فمابالك بقى بالفلاح
ولا بالعامل
ولا البُسطا ف كل مكان
مهما يشوهوا فيك قُدامهم
برضوا بهائك فاق الحد
شايلينك وف نن عيونهم
من بعدك ولا صدقوا حد
علشان دولا ضمير الآرض
مهما الكدب يصير أقلام
او حتى معاول
مهما يحاول ولا يحاول
عُمره مايقدر يخدع
طمى الآرض
وعشان م انت واحد منهم
ف الوجدان دايما بيصونك
مهما الظلم يحاوط فيهم
ولا واحد منهم بيخونك
م انت الفارس وانت الحارس ع الاحلام
وانت الشمس اللى بتهدينا سنين قُدام
والحكام صاروا من بعدك
مش حُكام
صاروا تنابلة
بيلحسوا فى جٍزم الأعداء
طينة غريبة !!!
غير الشكل وغير اللون
مهو معقولة يخون القدس !!!
اٍلا الأغراب
بس قلوبنا
ولا يوم تنسى ولا بتسامح
ولا هتلين لو وسط النار
بنقولك والعزم مالينا
وعيونا ماليها الآصرار
بالآرواح وبدم الشُهدا
راح هنكمل المشوار
28/9/2010
عبد العزيز عبدالله في ميدان التحرير مؤخرا
التعليقات