أشهرت الفنانة السورية الشابة تولين البكري، أمس الثلاثاء، طلاقها بعد يوم واحد من زوجها ما شكّل صدمة للجمهور الذي تابع خبر زواجها عن كثب.
البكري، التي نشرت الخبر على حسابها الخاص في موقع التواصل الاجتماعي، فيسبوك، اعتذرت من أهلها وأصدقائها، وقالت إن الزواج مرّده لأهل زوجها، اللذين أجبروه على الطلاق منها، لأنها مطلقة.
وكتبت البكري في منشور لها: 'رفقاتي…حبايبي، لكل اللي فرحولي من قلبون، ولكل اللي باركولي وتمنولي الخير بقول.. ومتل ماكنتوا معي نضاف وبقلب صافي وبمحبة فرحتوا لفرحي أنا واجبي بادلكم بنفس الصدق والصفاء وشيل كل تساؤل وإشارة استفهام عم تفكروا فيها.. بما أني بعد يوم من إعلان زواجي شلت كل الصور، أنا رح واجه مشكلتي معكم لأنو أد ماخبيت مافي شي بيدوم.. ومافي داعي لخبي لأني ماغلطت. بالعكس، أنا متلي متل أيا أنثى، بتحلم بالاستقرار والأمان والدفا والعيلة والحب. ارتبطت شرعآ بشب أبن عالم وناس وتزوجنا بعد ما تقدملي بشكل رسمي وحكا مع أهلي وطلبني على سنة الله ورسوله.. لكن للأسف كان لأهل هالشب اعتراض عليي ومآخذ، بما أنني مطلقة وممثلة و..و..الخ".
وأكملت البكري بالقول: "واجبروه على فسخ عقد الزواج القائم بيننا. ماعندي شي خبيه لأني ماغلطت كل ذنبي كان أني طلبت الحلال مع هالشب. وبالنهاية كل شي لخير أكيد، وقسمة ونصيب. بس حابة قول لكل أم عندها شب عم تدور لأبنها على عروس من وجهة نظرها أخلاق هالعروس بتنطلق من عذريتها بحب قول لهالأم. يا سيدتي عذرية الروح أهم بكتير من عذرية الجسد… وبعتذر من أهلي قدام الكل لأني حطيتون بهالموقف بدون أي ذنب..شكرآ”.
التعليقات