"ما بتغيّرني" أغنية جديدة لبشّار مراد

أغنية "ما بتغيّرني" دعوة إلى المواجهة والتحدّي؛ مواجهة كلّ ما يدفعنا إلى الخوف والعزلة، والعنف المستمرّ الناجم عن التجارب الكويريّة أو المثليّة، وهي إحدى أغاني مشروع "غنّي عن التعريف" بنسخته الثانية.

"غنّي عن التعريف" مشروع موسيقيّ يتناول مواضيع التعدّديّة الجنسيّة، والجندريّة، والجنسانيّة. ويتحدّث عن الهويّات الجنسيّة والكويريّة، والتحدّيات الّتي تواجه أصحاب هذه الهويّات في المجتمع، بلسانهم هم. أطلقت هذا المشروع "جمعيّة القوس للتعدّديّة الجنسيّة والجندريّة في المجتمع الفلسطينيّ"، أوّل مرّة عام 2013، وعاد هذا العام ليشمل إصدارات موسيقيّة جديدة، تعالج مواضيع مختلفة ومتنوّعة؛ من خلال أعمال لفنّانات وفنّانين ذوي توجّهات موسيقيّة متنوّعة أيضًا.

هذه الأغنية من كلمات الفنّان بشّار مراد وألحانه وتوزيعه وغنائه، ومن إنتاج الموسيقيّ، وتوزيع، ومكساج، وماسترينج سارونا وإنتاج "جمعيّة القوس للتعدّديّة الجنسيّة والجندريّة في المجتمع الفلسطينيّ".

بشّار مراد هو كاتب أغانٍ، ومغنٍّ، وصانع فيديو من القدس. ولد عام 1993 لعائلة موسيقيّة؛ فكان محاطًا ببيئته الفنّيّة والإبداعيّة طوال حياته، وأنتج أغانيه بالعربيّة والإنجليزيّة، وركّز في أعماله على تحدّي الصور النمطيّة، والمعايير الاجتماعيّة القامعة والمضطهِدة، والرجعيّة. وتتناول أغانيه أيضًا مفاهيم التسامح والمساواة، والضغط الاجتماعيّ والتمرّد عليه.

 

كلمات الأغنية:

كنت دايمًا خايف من حالي

خايف من كلّ اختلافاتي

بنادي وبنادي ما وصلت الرسالة

لحالي بحكي مع خيالي

 

حبّي غير قانوني

حبّي غير قانوني

حبّي جابلي جنوني

 

بتقدر تاخد كل أَوَاعِيّ

هدّدني ربّط إيديّ

احرمني من اسمي وحقّي

ارفضني ما بتغيّرني

 

كنت دايمًا تشوّشلي أفكاري

صوتك عاش في راسي

اليوم أنا ماشي

إذا بتنساني انساني

صوتي بعيش بالأغاني

 

حبّي غير قانوني

حبّي غير قانوني

حبّي جابلي جنوني

 

بتقدر تاخد كل أَوَاعِيّ

هدّدني ربّط إيديّ

احرمني من اسمي وحقّي

ارفضني ما بتغيّرني

 

قصّولي جناحي وما زبط

إنّي أطلع من القفص

أنا عصفور انحبس

 

حبّي غير قانوني

حبّي غير قانوني

حبّي جابلي جنوني

 

بتقدر تاخد كل أغراضي

حاول امحيني عالفاضي

اتركني بحالي أنا راضي

ما بتغيّرني

 

بتقدر تاخد كل أَوَاعِيّ

هدّدني ربّط إيديّ

احرمني من اسمي وحقّي

ارفضني ما بتغيّرني

 

غيّرت بحالي وما زبط

إنّي أضل جوّا القفص

أنا عصفور ما بينحبس

تعليقات Facebook